Um okkur

Jörðin Sandhóll stendur í Meðallandi í Vestur-Skaftafellssýslu. Hjónin Örn Karlsson og Hellen Gunnarsdóttir stunda þar búskap og rækta meðal annars repjujurt, hafra og bygg, auk þess að halda 500 nautgripi í nýreistu hátæknifjósi og að standa í umfangsmikilli skógrækt. 

Allur búskapur á Sandhóli einkennist af virðingu fyrir náttúrunni. Með því að nýta það sem verður afgangs við framleiðslu á einni afurð sem hráefni í aðra afurð er nýtingin hámörkuð til þess að lágmarka sóun.

Allar afurðir frá Sandhóli eru ræktaðar án notkunar skordýraeiturs og annarra óæskilegra efna.